Música é Amor. - Partilhe!

Bô era nha florzinha querida
Bô reserva bô amor sô pa mim
Bô era tudo na nha Vida
Mim era tudo pa bô

Na noite de luar
Bô abraçado na nha peito
Ta tchora sodade de nha dispidida
Pam bai pa Terra Longe

Um falôb oi querida
Si bô guardôm nha Regresso
Bô ca tem um dia na Vida
Pa bô senti arrependida

E assim bô cumpri bô dever
Mim um cumpri nha promessa
Um fazebo nha Noiva

E nôs dois no uni nôs coração
E di nôs união nascê um Árvore Frondosa
Q’brota sete Rama cada Rama um Flôr
Cada Flôr um Fruto di nôs amor

Má nôs frutos bô deixás sô pa mim
Bô fazê bô viagem bô deixam mi sô
Ta tchorá separação
Ta tchorá solidão ta tchorá sodade

Má nha tristeza porque bô bai
Bô deixâm ta sofrê (sofrimento profundo)
Porquê bô viagem ca tem regresso

_________________________________
António Joaquim dos Santos (Toy Djack)
2010

  •  
  •  
  •  
  •  
  •  
  •  
  •  
  •  
  •  
  •  
Close Menu