Sofrimento

Ribeira Prata na Ilha de S. Nicolau
Ta fica isolado, sempre ta sofrê
Fidjos dja ca podê
Carga na cabeça
Carga na costa
Parriba e prabôche
Ta salta pedra na scuridão

Abri bô boca bô grita bô sofrimento
Má ca lamenta tristeza
Porque um dia sofrimento ta cabá

Natureza permiti bôs fidjos bai pa longe di bô
Ês ta bai ta tchorá sodade
Bôs banderinha ta f´ca li ta saná
Pa um dia páss torna volta pa bô regaço

Pa bem vivê n’alegria
Carinho e amizade
Amor e dignidade
Pa convivê na harmonia
Bondade na coração
Pa nô pô coragem
Pa enfrenta realidade

_________________________________
António Joaquim dos Santos (Toy Djack)
2008