Música é Amor. - Partilhe!

Bô sta situado num cantinho
Morro sta na bô frente
Matinho sta na bô tráss bô sta longe di mar
Bô ca tem Praia má bô ê Praia Branca

Bôs fresquinhos ta bem di longe
Bô Povo amigo nô ta uni
Nô ta bai pa bêra mar pa Festa di Pipitinha
La na Praia de Barril dia di sol brilhante

No ta nadá na mar no ta rolá n’areia
No ta dançá colôde no ta passá sabinh
Deitado na praia d’riba di ninhos di tartaruga
Má nôs Criola Criolinha (Oi Criola) di tchom d’areia

Má nô ta cuidôd Chicote ta bem di S. Antão
Má no ta cuidôd Chicotão ta bem di Praia
Pá ca trança má Chicotinho di S. Nicolau
Ês três juntôd ês ê prigoso

Ês podê da um curt-circuit pa pô oms costa na tchôm
Pa ca straga festa (Festa pa ca caba)
Festa pa ca caba mô êl ê vitamina di nôs Cultura
Festa pa ca caba mô êl ê vitamina di Criol

_________________________________
António Joaquim dos Santos (Toy Djack)
2010

  •  
  •  
  •  
  •  
  •  
  •  
  •  
  •  
  •  
  •  
Close Menu