Ca bibe Pitrol

S’bô ê condutor

Valorizá condução

Ca bô bibê pitrol

Pa bô ca perdê contrôl

S’bô perdê contrôl

Bô podê perdê direção

Tchitchôr  ta t’ma volante

Pa conduzi moda q’uêl crê

Ora q’uel fazê asnera

Êl ta bandonob êl ta bá m’bora

Bá d’senrasca s’bô podê

Isto ê, ê s’bô podê

Q’uê nem sempre iss ta contcê

Tônt criatura dja perdê vida

Na ‘strada di mund intêr

Ês ta magoá tcheu coração

Sô por causa dês pitrol

S’bô ta bibe ca bô conduzi

S’bô ta conduzi ca bô bibe

Mantê concentração

Pa evita complicação

António Joaquim dos Santos (Toy Djack)