Rotcha Scribida

Deus fazê sê mundo, êl fazê Rotcha Scribida

El screbê verdade pa fca na storia

Ali na fundo di montanha

Ma storia sta mal contôd

Ês ta fala c’ma êl ê s’crito pa mô d’Pirata

Má se rotcha ta bá ta quei e ecrita ta continua

Assim ca ta da pa entendê

Ê m’djor fazê pequisa

Pa nô podê s’crevê verdade

Na ca ta engana nôs Povo

Nôs cultura podê ganha fama

Rotcha Scribida bô merecê ser preservôd

Bô verdade ta merecê claridade

Bô ambiente ta merecê ser cuidôd

Pa agrada nôs visitantes

Pa’s senti frescura

Pa precia Natureza

António Joaquim dos Santos (Toy Djack)