Música é Amor. - Partilhe!

Droga surgi na mundo pa distrui felicidade
Cada minuto de alegria quel ta da um Criatura
Ê ano di tormento e desgraça de tudo consumidor

Jovem di nôs Terra Cabo Verde
Obi um consedjo dum amigo desconhecido
Si bô ê inteligente valoriza bô inteligência
Vivê bô Vida sem droga

Si ainda bô ê independente
Cuidôd na quêl primêr fuminho
Qui ta trazebo tud consequência
E perdição di bô vida

Si bô crê um Vida Saudável
Si bô crê vivê Longa Vida
Dal sê valor quel ta merecê
Ca bô segui vissarada di mundo

Si bô segui caminho di droga
Bô futuro ca tem progresso
Bô podê ser um delinquente um criminoso
E um prisoneiro (pa distrui bô Vida)

Si bô ê um menino amado
Si bô ê um aluno aplicado
Si bô tem confiança na bô
Luta pa bô vencê bô construi felicidade

Renuncia droga (Ô Jovem)

_________________________________
António Joaquim dos Santos (Toy Djack)
2010

  •  
  •  
  •  
  •  
  •  
  •  
  •  
  •  
  •  
  •  
Close Menu