Tributo Universal

Céculo XX bô trazê Inteligência

Bô bai bo deixa mundo iluminado

Pa quem crê vivê na claridade

Ma nô ta preferi escuridão

Sô pa escondê realidade

 

Ô bem ô mal q’nô ta pratica na mundo

Ta companhon assim c’ma sombra

Q’ta companha nôs passos

Na Estrada d’ Vida

Na senda d’evolução

 

Assim, nô mestê canta

Assim, nô mestê tchora

Pa ser perdoado nôs castigo

Porquê um dia no ta ser justificado

E na justiça divina, ca ta existi impunidade

Porque Leis d’Universo ca podê sofrê alteraçon

 

Ês mundo ta tcheu di problema

Nô ta dividido em dois grupos

Um pa sê bondade êl ta construi

Ote pa maldade êl ta destrui

 

So ta procura vivê feliz

Má c’manera q’nô podê vivê feliz

Se nôs irmon nô ta fazêl sofrê?

 

António Joaquim dos Santos (Toy Djack)